(26) 2012 Mitsubishi ASX. LED's en lig.

Dit is n aantreklike kruis KNV, die 2012 Mitsubishi ASX. Een masjien in die reeks, n 2.0 MPI (110KW@6000rpm & 197Nm@4200rpm). Twee ratkasse, n 5 spoed handrat en n 6 spoed CVT. Pryse begin teen R 279 900 vir die intree vlak Mitsubishi ASX tot R 319 000 vir die hoë spesifikasie vlak ASX.


Nou kyk, die 5 sitplekker ASX dryf net deur die voorwiele, het n algemene petrol verbruiks indeks van 7.5L/100km en CO2 van 178g/km en met n bakwerk van 1354kg kan mens dadelik agterkom die wa gaan nie rekord versneltye opstel nie. Dis nie die doel van die hoë karretjie nie, nee inteendeel. Die rit is sag maar mens voel die stampe deur die onderstel, bakrol is daar ook, maar die stuurwiel speel nie rond in jou hande nie en die ratskakeling is aangenaam. Jou hoë sitplek bied jou n lekker uitsig en daardie panoraniese glasdak maak dat die karretjie lekker lig is binne. Dan is daar nog die LED's rondom binne die glasdak, met drie verstellings daarby ook nog, maar, partydjie truuk of nie, dit lyk intresant. Enkel sone klimaat beheer en n lekker  radio met USB en n intresante dubbel punt RAC AUX ("Audio JACK")  punt is standaard. So ook n standaard agterste parkeer hulp sisteem.

5 Ster EU veiligheids kenmerke sluit 7 lugsakke in wat ook n knie lugsak insluit, saam met verskeie elektroniese onderstel beheerstelsels wat in tye van nood die bestuurder asisteer om die voertuig makliker te beheer. Pak spasie in die agterste ruim is baie billik en sitplek vir 5 volwasendes is daar einlik meer as genoeg.

Gemaklike Inklimslag, Aangename Ruimte

Die laaste aspek van die voertuig is sy voorkoms, die neus is geskoei op die laaste generasie van passasiers voertuie van Mitsubishi, die Lancer, die res is n mengsel van Europees en Oostere ontwerps taal. Ek vind dit baie aangenaam op die oog, dit is nou nie dat jy daarna gaan staar nie, maar jy gaan nie sommer daar verbystap sonder on dit op te merk nie.

Panoramiese Glasdak

Dus, n kompakte KNV, met n brandstof doeltreffende masjien, lekker spasie en n onderstel gemik beide op die stofpad soos as op die growwe swart gegomde gruis. Die karrretjie kry my regmerkie.

7.5L/100km

Weer eens, het ons hier met n jong man te doen wat einlik uitbundig in sy passie vir karre is. En hy ken sy Mitsubishi ASX goed, sy naam: Jason Kruger.

Gaan soek hom op te Mitsubishi Motors Tygerberg.













Jason Kruger
Tel: (021) 914 3850
Sel: (082) 920 5010
jasonk@sandown.co.za













Mitsubishi Motors Tygerberg,
1 & 3, High Street, Rosen Park

Fotos geneem met: Blackberry Bold 9000

(25) 2012 Renault Fluence. Styl .... funksie ..... nooit verlore.

Al ooit opgelet n Tom Tom navigasie stelsel is vierkantig? Nie? KarMal1 ook nie. Tot nou toe. Dit is eintlik baie vloeiend, tussen hakkies, Fluence. Die 2012 Renault Fluence is n pragtige vloeinde ontwerp, gebou rondom die Tom Tom navigasie stelsel, met kwaliteit en spasie.

Moet nou nie die wa voor die perde span nie, die algehele gevoel van die Fluence is n atmosfeer van Franse "flair". Sagte materiale waar jou vingerpunte ook al raak, noupassende spasierings lyne op die instrumente paneel, en die modelle met egte leer her n werklik uitsonderlik aangename aura. Franse aura. En die voertuie is werklikwaar beskikbaar met ses lugsakke, elektriese vensters (een druk funksie), baie spasie voor en agter met n enorme kattebak, n heerlike 7 luidspreker radio stelsel saam met n Tom Tom wat soveel funksies berg en dan word dit nogal met n afstand beheer ook beheer. Handvrye bluetooth® foon en musiek beheer. Twee kantige sone klimaat beheer en alle aktiewe en passiewe veiligheids stelsels ingebou in die meganiese en elektroniese beheerstelsels van die kar.

My toets-rit met die Renault Fluence 1.6  16v Expression het dit duidelik gestel dat die kar maar gery mag word. Stewige padgedrag met n lekker positiewe stuur en stuur terugvoer is die rit n plesier. Op die model het net die harde plastiek van die stuurwiel my n bietjie sweterig gelaat, maar ry, die kar ry werklik baie lekker. Die 5 gang handrat ratkas skakel glad en met positiewe kort skakelings, rembeheer is voldoende vir die grootte van voertuig wat dit is (4618mm lank, 1809 wyd, 1736kg). Wat my ook by n ligte bekommernis bring, die kar se lyne is super glad en dit het werklik pragtige rondinge en dit in n nou parkering ...... "Mall Dents!"

530 dm3 Standard ISO Agterste Laairuim

Renault Tygerberg se verteenwoordiger, Liesl Spann, het my deur die voertuig se funksionaliteit, vorm, masjiene (Daar is net twee masjiene, en twee ratkaste, geen outomatiese model, in die drie verskillende modelle beskikbaar) en gerieflikheids kenmerke geneem met absuluute profesionele benadering ........ en as sy haar hand oor die voorste wielboog laat gly, om vir my te verduidelik hoe mooi die baklyne met die kar integreer, herken ek net een ding. Die dame het n ware passie vir karre.

Tom Tom, spasie, funksie en gerief.

Met my skrywe huidiglik kan ek net sê die pryse begin onder R 200 000.00, maar kontak gerus vir Liesl Spann, by Reanault Tygerberg, daar is veel meer aan die Renault Fluence as wat sy prys jou vertel.

Liesel Spann
Tel: (021) 910 2008/9
Sel: (072) 46508317
liesls@multifranchise.co.za












Renault Tygerberg
304 Durban Weg,
Bellville.

Fotos verskaf.

(24) Voor wiel AANDRYWING.

1925 Miller 122

Voorwiel aandrywing is die gewildste aandrywing stelsel wat hedendaags in Suid Afrika verkoop. Hoeveel mense bewus is van die tipe aandrywing wat hulle koop hang vandag af van hoe groot kar passie daardie koper het. Hier wil ek net die geleentheid skep vir almal om te verstaan wat die term Voor Wiel Aandrywing meebring.

Fig 1.

1934 Citroën 7CV

Voorwiel aandrywing is sedert 1895 saam met ons, maar het in die 1925 meer prominent op die agenda verskyn weens renmotors soos die 1925 Miller 122 en ook soos in 1934 die Citroën 7CV. Beide die motors se masjiene was middel langsweg gemonteer wat dan die voorwiele aandryf. Sien soos in Fig 1. Die gewig verspreiding was uitstekend maar die ontwikkelings koste het dit net n strewe na verbetering gemaak.

1978 VW Glof Gti MK1

Fig 2.

2010 Ford Focus RS

Soos wat tegnologie verbeter het, het die vervaardigers met dwars gemonteerdie masjiene wat oor die voorste as  gemonteer was en die voorwiele aangeryf het groot suksese behaal op die mark.(Fig 2.) Volkswagen het dit gedoen met die Golf 1, hulle doen dit steeds vandag in meeste van hulle modelle. Die mens is genieg, om hom nie te laat stop deur die natuurlike wette van swaartekrag nie en heeltyd met daardie stelling te kompeteer.  Neem byvoorbeeld die 2010 Ford Focus RS 500, 261kW en 440Nm, alles  deur die voorwiele. Ongelooflike tegnologie. En steeds pak die vervaardigers prosesse aan om selfs op die ongelooflike ontwikkelinge te verbeter. Meestal kry hulle dit ook reg, gaan kyk maar, die 2010 Ford Focus RS is n ikoon in eie reg.

Fig 3.

Die laaste metode om voorwiel aandrywing te gebruik is n langs geplaasde masjien wat tussen die voorwiele hang en die voor wiele ook dan aandryf (Fig 3.) Dit is n baie suksesvolle massa vervaardigings metode wat veral deur Audi gebruik word.


Die gedagte met voorwiel aandrywing om die gewig van die voertuig te sleep, en dus makliker met die aandrywing deur vlak water poele te kan ry, het die metode n baie aanvaarbare aanwendsel onder die kopers in die mark geword. Stuur is meer traag maar met die petrol pedaal kan die bestuurder die kar dan uit n situasie ry deur te stuur en meer petrol te gee. Omdat al die gewig van die voertuig op die aandrywing wiele rus onder remming was dit altyd n gevaar om te hard met die voorwiel aandrywing te rem. ABS (Teen-sluit remstelsels) was die antwoord, meeste voorwiel aangedrewe karre op die mark het dit, dit is n absoluute noodsaaklikheid vir voorwiel aandrywing.

2012 Audi A5

Maak nie n fout nie, voor wiel aandrywing is baie pret, en dit is ook meer ekonomies, beide in die vervaardiging van die voertuig sowel as met die eienaarskap en onderhoud van die voertuig.

Bo oor alle redenasies, dit bly jou, die koper se kar, geniet dit, maak n passie daarvan.

Groete.

Die Kar Mal 1

Fotos verskaf.

(23) Honda Accord. Die kar is meer as net n som van sy parte

Die 2011 Honda Accord. Pragtig ontwerp, in een van die advertensies van die kar was dit die advertensie wat die meeste kykers, in n bekendstelling veldtog van n kar, ooit 24 uur gekry het. Maar kyk nou na daardie advertensie, en jy sien meer parte as kar.

Vir my is daar twee parte wat hierdie kar maak. Dubbel wensbeen-tipe onderstel by elke wiel en V-Tec. Verrigting is niks sonder hantering nie. Honda gebruik die dubbele wensbeen-tipe onderstel, by elke wiel, al vir jare. Dit is soos Formule 1 tegnologie in n pad kar. Die klougreep van die Honda Accord sal eenvoudig net die dapperheid van die bestuurder oorskry. Sonder om rygerief of ritgehalte in te boet. Honda weet die kar hanteer goed, daarom het hulle die magtige 2.4L i V-Tec 148kW/234Nm met "drive by wire" elektroniese petol pedaal geinstalleer. Dit bring vinnige petrol pedaal modulasie tesame met n masjien wat hoog toer (Die kragpieke is so ook eers by 7000rpm) deur n 5 spoed standaard outomatiese ratkas wat lewering bied aan die 17 duim allooi velings geheg aan daardie wensbeen-tipe onderstel met akurate terugvoer deur die stuurwiel - genoeg vertroue aan die bestuurder om die kar ten alle tye te geniet en te kan beheer. Dus, veiligheid en pret.

Netjiese kombinasie van sagte en harde materiale

Teen R 374 900.00 t&c's vir die Honda Accord Sedan 2.4i V-Tec Executive outomaties, bied hierdie kar so n lang lys van opsies dat dit werkl;ik uiters kompeterend in die mark geposisioneer is. Standaard in die Excecutive: elektriese sitplek met geheue funksies vir twee posisies. dit is ook in twee sleutels geprogrameer, beide sleutels is genommer en as jy met die sleutel die kar oopmaak skuif die bestuurder se sitplek self reg volgens die genommerde sleutel. Ongelooflik gerieflik. Blutooth, Aux/USB en 12 Volt punte in die arm lening, sateliet kontroles op die leer stuurwiel, ABS, EBD, EBA, VSA ( Vehicle stability assist), TSA en Elektroniese Sondak.

Verkoeling, Aux/USB/12V

Drie masjiene (Een n diesel) twee bakwerk soorte, sedan en stasiewa is beskikbaar met n keuse tussen handrat (6 spoed) em outomaties (5 Spoed). Daar is ook drie afwerkingvlakke met standaard toerusting addisioneel op elke pakket nl: Elegance, Executive en Exclusive. Die Exclusive het byvoorbeeld dinge soos 18 duim wiele, n gevorderde bestuurder asistend sisteem, intiligente tog beheer, ongeluks sensoriese rem stelsel en baan hou assistent. Standaard.

En n man wat die Honda Accord ken, geniet en bewonder - Gavin Smith. By Honda Auto Tygerberg. Gaan klop aan sy deur.

Gavin Smith
Tel: (021) 910 8300
Sel: (079) 478 2584
newsales@hondadealer.co.za



















Fotos geneem met: Blackberry Bold 9000

(22) 2011 Passat. Net toe jy gedink het al die vlinders in jou maag is dood .....

2011 Volkswagen Passat. 1.8L TSI DSG. Woordeloos.


Kyk, as n GROOT Mercedes aanhanger ( Hy is ons buurman, ons gaan nog baie met hom in die toekoms te doen kry. 110% petrol bloed - bietjie diesel ook.) eers vir jou reguit sê hy hou van die Passat se lyne, dan moet jy weet ... hier kom n ding.

Die 2011 Passat het skerp lyne, dit maak hom anders. Aantreklik so, so ook asof dit vir jou wil sê; "Ek steek iets hier weg". En ek kon dit in die opgewondenheid van Juan Wentzel se houding waarneem. Hier het ons weer eens met n man te doen wat karre passie het. En die Passat is hoog op sy lys.

Groot Bagasie Ruim

 Vir my as skrywer, as n Kar Mal persoon, wil ek graag aan die lesers vandag sê, selfs voor ek oor die kar praat. Die pad na jou naaste Volkswagen handelaar raak vol Duwweltjies! So roer jou litte. Toetsbestuur een.

Lekker plek om IN te klim

Die mooi bakwerk bied hope spasie, kopruimte vir my voor en agter. Die stuurwiel voel soos ...... jy is een met die kar. Volkswagen bied in die Passat n luukse opsie in hulle vloot wat werklik n basis het om net dit wat jy werklik nodig het op die opsionele lys te neem. Daar is n semi-outomaties verstelbare voorsitplek, Kopruste wat vorentoe skuif, klimaat beheer, sateliet kontroles op die stuurwiel, AUX en 12V punt ..........en n 230V punt ook! Luuks en gerieflik is hierdie kar beslis, die afwerking en materiale is van die beste gehalte op die mark. Maar meeste Volkswagens bied dit reeds. Nou wat dan?

230V!

Dis juis hier waarvoor ek voorstel julle daardie toetsrit reël. Amper asof Volkswagen met die Pasat vergeet het hulle moet n kar maak. Hulle het die man of vrou herken wat hom moet bestuur. Toe bou hulle n kar vir die bestuurder. Briljant. Van die onmiddelike oomblik dat n mens daardie stuurwiel vasvat, vonk hierdie kar adrenalien deur die wese van die bestuurder, die 118kW/250Nm masjien is lewendig, deur die sewe spoed DSG ratkas (met spane agter die stuurwiel) in outomatiese modus, hou nie die plesier terug nie. Looi hierdie kar deur n draai en die terugvoer vra .... gee my meer! Die stuur is n sensasie. Bakbeheer is ongelooflik. En die rem modulasie uitstekend.

Uitstekende Gehalte

Dan vra ek myself, wat het Volkswagen besiel om hierdie kar so onder die radar te hou? Dit is n briljante kar!! Skok en ongeloof. Hierdie kar bring baie goeie herineringe terug.

Wel, gaan raak weer verlief, op n kar. Gaan ry hom. Kontak Juan Wentzel by Barons N1 City Volkswagen.









Juan Wentzel
Tel: (021) 595-9839
Sel: (082) 823-6663
juan.wentzel@barloworldmotor.com

Fotos geneem met: Blackberry Bold 9000

(20) Audi A4. Gladde Ketting. Tegnologiese wonder.

Audi A4 1.8 TFSi Ambition Multitronic. Die immer gewilde keuse tussen kopers van Audi se A4 reeks in Suid Afrika. Ek dink nog altyd ek het n petrol kop (deesdae n klompie diesel daarin ook), dus vir my is n handrat die ratkas om te hê. My ouers ry n DSG ratkas voertuig en ek het gewoond geraak daaraan. Vir jare lank trek ek eintlik my neus op vir die naam CVT (Continues Variable Transmision) of in Audi se geval Multitronic. Tegnies gaan ek nie veel se nie behalwe dat dit soos twee skuins sfere regoor mekaar, beheer deur hidroliese werkkrag, verbind met n ketting, heen en weer skuif om ratspoed soos n fiets oor te skakel.

Audi Multitronic

Maak nie n fout nie, dit is seepglad. Eintlikvoel n mens die ratskakeling nie eers nie. Die 118kW/250Nm 1.8L direkte petrol inspuiting vier silinder wat reguit gemonteer is lewer genoeg krag. Gekoppel aan die ratkas het mens nie eintlik meer nodig nie.

Gerieflike Inklim Area

Ek persoonlik moes laag in die kar sit vir ruimte vir my kop (Die toetes model het die opsionele sondak in wat kop ruimte met 50mm verminder). Die megasies verstelbare sitplek is gerieflik en die struurwiel verstel in hoogte sowel as teleskopies vir reik. Gerief. Dit bied die Audi A4 in hope. Alles rondom jou is sag, die visuele en tasbare kwaliteit is net ongelooflik. Die stuuwiel is dik, die leer is eg. Uitsig is uitstekend en die lae sit in die sitplek belemmer geensins uitsig of gevoel van beheer nie. Audi MMI met bluetooth® is opsioneel in die model met Aux punt en 12V punt in die middelste arm kassie. Veiligheids breek en gryp foelie op die kant vensters, n sentrale sluit stesel met alarm en ses lugsakke. Wat veiligheid betref, het hierdie model reeds n doeltreffende elektronies geasisteerde stelsel in soos wat n mens hom van die vloer af kan koop. ABS met ESP program. ISOFix kinder sitplek hegpunte.

Spelonk vir Pakruimte

 Inklim voor en agter is baie gemaklik, net kopruimte is beperk maar aanvaarbaar, onthou, ek is 1.96m lank. Die A4 ry sag, stil, die klou greep in draaie is meer as genoeg, bonop baie gerieflik. Die stuur is akuraat en die rempedaal gevoel uitmuntend. Met n katalogus van 117 bladsye (Die katalogus is goeie kwaliteit in dit self) met keuses wat die koper kan maak daaruit om die model met verskeie afwerkings, veiliger , mnooier, geriefliker te kan maak.

Dit is die Audi A41.8 TFSi Ambition Multitronic, gerief, gemak, oortreffend in alle opsigte. Uitmuntende keuse vir n voertuig



.

Kwaliteit Binneruim

Die A4 reeks bied baie meer as net die sedan, daar is ook n  stasie wa (Avant), 2.0L TDi 4 silinder, 3.0L TDi V6, 3.2L FSi V6 en n Spiraal aangejaagde 3.0 TFSi V6 masjiene om van te kies. Handrat, S-Tronic, Tip-Tronic en Multitronic Ratkaste wat deur voor of vier-wiel aandrywing, werkverigting bied.

Kontak gerus vir Marinus Kritzinger. Hy het my perspektief, tesame met die Audi A4, ten opsigte van Multitronic ratkaste met n reguit en aangename op die man af metode omgeswaai. Kontak hom vir n toetsrit, wat so ook moontlik jou perspektief mag verander.

AUX & 12V

Marinus Kritzinger
Tel: (021) 595-7012
Sel: (083) 274-9292
marinusk@bmh.co.za

http://www.facebook.com/pages/Audi-Centre-N1/135321529879371?ref=ts

Fotos geneem met : Blackberry Bold 9000

(19) Motown. Hier praat, eet en drink die manne net Amerikaanse V8 Masjiene.

MoTown's Firenza

Al ooit n Chevrolet Lumina Ute 6.0 gehoor verby jou ry? Hoendervleis. Dit is wat n V8 aan manne en vrouens doen. Nou wat maak mens om jou klasieke kar met sy V8 weer na sy ou glorie te herstel. En sommer ook meganies te herstel na die fabrieks spesifikasies toe.





Maklik. Ralph Kumbier van MoTown American Auto Parts tesame met sy span wat Terence en Dewald insluit, het meer as 18jaar se ervaring in die bedryf van klasieke voertuig parte. Alle Amerikaanse voertuie van 1921 tot huidiglik word deur hulle met parte gedek. Dit is nie waar dit stop nie. Soek jy meer krag vir daardie monster van jou, Motown kan die parte verskaf en die instalasie daarvan reël. Bakpanele, sier wielle, restorasie elemente, alles wat jy werlik nodig het vir n kompleet projek, kontak die mense by Motown . Hulle kan meer as 1000HP masjiene aanmekaar sit, insluitende spesiale inlaat toestelle, turbo's asook drukaanjaers. Onderstel modifikasies en dies meer.

Spesiale Inlaat Stuk

Maar daar is ook vir die ware self doen entoesias boeke, soos by voorbeeld; Vol 1&2, Alle Ford Mustang Modelle, R420-00.


Die MoTown manne het in 2010/10/09 by die Nasionale Versnellings Ren te Killarney n eerste plek losgeslaan in die Street Class 05.

Stokperdjie of uiterste Spesifikasie, kontak gerus vir Ralph Kumbier te MoTown  American Auto Parts .


Ralph Kumbier
Tel: (021) 949-3793
ralph@motownauto.co.za








Fotos verskaf.

(18) Jeep Grand Cherokee. Bos ry in n New York tuxedo.

Jeep. Weermag legende regoor die wereld. Insluitende in die S.A. weermag in die sestigs. Robuste werkesels wat oor en deur die meeste hindernisse kon kom met n eenvoudig maar praktiese (Vir die doel) bakwerk en aandrywing.

Jeep Grand Cherokee Overland

2011 JEEP Grand Cherokee Overland. Die naam pas by wat die wa vermag. "Grand" Ja, baie. Sagte Nappa leer, vewarmde voor en agter (Terugleunende) sitplekke, bestuurder het n 8 rigting met twee geheue funksie sitplek/stuurwiel funksie. N verwarmde stuurwiel met sateliet kontroles vir die radio/CD, togbeheer en stem-erkenings funksies. 6 lugsakke, ESC, HDC, HSA, TSC, ABS, ACC met sleutel-lose toegang en ry -modus. Opsioneel verkrygbaar: Sensoriese Togbeheer stelsel, Blinde kant waarskuwing, Voor ongeluks waarskuwimg stelsel met agterste bewegings sensor. Opsioneel ook n "Off Road" paket wat 18" allooi velings met 265/60R18 BSW bande, n 230 mm agterste as, 3.45 agterste as rat verhouding met  voorste onderstel-, oordrag kas-, onderstel- en 93.5L brandstof tenk - beskerm plate.

Radio/CD met AUX/Ipod

60/40 Split met ISOFix

Overland - die Quadra-Trac II® vier wiel aandrywing sluit n twee spoed oordraag ratkas met ELSD vir die agterste as in. Die 5.7L Hemi V8 met VVT dryf die  ses gang outomatiese ZF ratkas glad deur die "Select-Terrain®" stelsel aan. Die bestuurs funksie van die sletsel "Select-Terrain®" bied die bestuurder n keuse van Sand/Modder, Sport, Outo, Sneeu en Klip. Al hierdie stelsels word dan met 12 verskillende elektroniese voertuig beheerstelsels gemonitor, sodat die bestuurder weer op sy eie op die bestuur van die wa kan konsentreer. Die onderstelsel wat rus op n onafhanklike suspensie wat beheer word deur lugvering bied uitstekende ry gerief en totale beheer weg van die geteerde weë af. Met afskakeling verlaag die voertuig dit self met 40mm om uitklim en inklim te vergemaklik, dan is daar ook n opsionele Sleepwa Paket (kan tot 3500kg sleep) wat die veerstelsel agter verstewig en lig waar nodig om die gewig te balanseer.

"Select-Terrain®"

Die afgeronde maar gebeitelde voorkoms van die 2011 Jeep Grand Cherokee Overland is werklik baie mooi en aanteklik. Dit is n skoon voorkoms wat n paket met baie ruimte, doelterffend kleed. Inklim vir my was maklik, die agter myself sit toets slaag die wa met grasie. Die 5,7L Hemi V8 is stil, totdat n mens die versneller trap. Dit is nie oorverdowend nie, net luid en pragtig. Soos n V8 van vandag moet klink. Stuur is swaar in die reguit ry posisie maar lig wanneer die draaie aangepak word sonder dat die bestuurder afgesonder voel, dus skep dit heeltyd n asemteug van ontspanne gerief.

Maklike Inklim Spasie

Hierdie is n werlikwaar mooi ontwerpte voertuig. Europese neigings wys op die baklyne, maar die geskiedkundige karakter is nie vergete nie, daarvoor is die Jeep trekke te veel.

En volgende jaar kom die witwarm SRT. Lek maar solank die lippe af, my persoonlike opinie is dat dit n wenner gaan wees.

Vir meer inligting oor die 2011 Jeeo Grand Cherokee Overland en Limeted reeks kontak gerus vir Nazeem Waggie te Jeep Century City.

Nazeem Waggie
Tel: (021) 528-0616
Sel: (082) 786-2000
nazeemw@sandown.co.za

Fotos geneem met: Blackberry Bold 9000